Қазақстанда жер қойнауын пайдаланушылармен жасалған келісімшарттардың көлемі күрт өсті

Қазақстан үкіметі 2025 жылдың алғашқы жартыжылдығында жер қойнауын пайдаланушылармен жалпы сомасы 901 млрд теңгеге, 551 келісімшартты жүзеге асырды. Бұл келісімдер өнеркәсіптің негізгі секторларының — мұнай, газ, тау-кен салаларының — дамуына, сондай-ақ геологиялық барлау мен өңдеу жұмыстарына негізделген.

Өткен жылмен салыстырмалы мәліметтер:

• 2024 жылы жалпы саны 290 келісімшарт болған, оның сомасы 138,9 млрд теңгені құрады.

• Ал 2025 жылдың қаңтар–маусым айында келісімдер саны мен олардың қаржылық көлемі күрт өсіп, сәйкесінше 551 және 901,4 млрд теңгеге жетті.

Бұл серпін отандық өндірісті қолдау бағытында жасалып жатқан нақты қадамдардың бірі болып табылады. Елдегі жер қойнауын пайдалану саласы — өнеркәсіптік әлеуеттің басты қозғаушы күші. Соның дәлелі ретінде, жүйе құраушы кәсіпорындар мен жер қойнауын пайдаланушылардың сатып алу үлесі жалпы көлемнің 40%-дан асып кеткені айқын көрсетеді.

Үкіметтің мәлімдеуінше, бұл көрсеткіш — Президенттің индустриялық дамуға ірі бизнесті тарту жөніндегі стратегиялық бағытының нақты көрінісі.